( الشيش )* شينه بــــــــلا شده === و( البيج ) جيمه بــــــلا تشكيل

وكل مــــن عند مــــــــن عنده === فــــــي ملعب أعمــوه بالتكحيل

مـــــا فيه لاعــــــب ولا ضده === إلا الحكم فيـــــــه ( عزرائيل )

ومــــــــن سعـى أو بذل جهده === في الصلح صـــــــدوه بالتعطيل

وشوهــــــــوا للرئيس قصده === ( حوثي ) ولـــــو كان بالتوكيل

وكـــــــــــــــال إعلامهم نقده === اغــــرق نوايـــــــــــاه بالتأويل

ومن جمــع له ( فرغ )**عنده === مـــــــا بينهم عقــــــــل للتعقيل

مــــــا قال : قالوا : نعم بعده === مـــــــــن غير تنبيـــه أو تعديل

يصوروا كـــــــــل شي ضده === يوصلوا أســــــــــــوأ التوصيل

وإنهـم وحدهـــــــــــــم جنده === ماله علـــــــــــى غيرهم تعويل

كم مـــــن قدير يعرده عرده === بقدحهم فيـــــــــــــــه والتعذيل

كم مـــــن حكيم معتبر صده === وأبعده واعتمــــد مـــــــــا قيل

يغروه فــــــي الأخذ بالشده === والقمـــــع والبطــش والتنكيل

من الجميع احرقــــــوا كبده === بالكيـــــد والـــــدس والتقويل

كل القوى مارقـــــــــة عنده === مـــن شــــدة الهول والتهويل

الاشتراكي علــــــــــى الرده === والانفصـــال فصـــلوه تفصيل

وهـــــو عليه يحمي الوحدة === منـــهم ، وهـات هات يا تنكيل

وحزب الإصــلاح ومن بعده === تيـــار الإســــــلام ، بالتفصيل

لكل إرهــــاب هـــــــم جنده === أمــا التدين فهـــــــــــو تمثيل

هــــم للديمقراطيــــة عقده === وهكـــذا منطـــــــــق التضليل

والبعث والناصـــري خرده === خاين عميـــل يشتــي التدويل

يذكروه كيــــف نكث عهده === يــــوم انقلب بعــــد عام الفيل

والهاشمـــــي تهمته وحده === توصـــل إلـــى تسعتعشر جيل

لا أبوه صالـــــــح ولا جده === عنــــوان للدجــــــل والتضليل

يشتي يكـــون الرئيس عبده === بالنص فــــــي محكـــم التنزيل

لـو مــا وقفنــــاه فـــي حده === الويــــل للشعب ثـــــــــم الويل

لابــــد مـــــن اخـــذ بالشده === والأمــر لا يقبــــــــــل التأجيل

بالحــــــــــرب ردّه ورا ردّه === بكــــل تشريــــــــــــــد أو تقتيل

هم فرس هـم للمجوس زبده === هــــم طين مشبوه فـي التشكيل

ماشـي لهـــــــــم عندنـــــا بلده === ولا لهم فــــــــــي اليمن تأصيل

لابد مــــــــــــــــــــا نثني العده === ويشطبوهم مـــــــــــــن الإكليل

أمــــــا القبيلي فيـــــــــا وعده === قالوا عليه الــــــــــــذي ما قيل

مــا واجــــــه الشعب من شده === ولا لقــــــــــي بــؤس أو تنكيل

إلا وقالـــــــــــــوا الخلل عنده === هــو عطـــــــــل الديولة تعطيل

مــــــا يغرس الحاكمون ورده === أو حاولـــــــــــوا للبلــد تجميل

أو طوروا فـــــــي الوطن بلده === أو قدمــــــــوا للشبــاب تسهيل

أو حاولــــــــــوا فــــك للعقده === أو كـــــــــــاد للعاطـلين تشغيل

إلا القبيلي عصـــــــــد عصده === وكـــــــــان عائق عــن التكميل

وكل حاكــــــــــــــم ثبت عنده === أسلــوب لا يقبــــــــــل التحويل

قود القبيلي مــــــــــن المعده === والخوف والبــــؤس والتجهيل

وكل شيــــــــــخ حُط له ضده === والحـــــــــرب بين القُبل تدويل

وهكــــــذا عـــــــــــدوا العدة === لكل واحــــــد بــــــــــلا تفضيل

ما يقبلوا غيــــــــر من عنده === قدره علـــــــى الزمر والتطبيل

لا حول ثــــــــوره ولا وحده === ولا وطــــــــــــن همهم أو جيل

وواقع الحـــــــــــال والشده === يغني عن الخوض في التفصيل

وكل واحـــــــــــــد يرى كده === برهان مـــــــــــــا يقبل التأويل

من الغلا مـــــــا عرف رقده === وحالــــــــــــة البطش والتنكيل

يجـــــر نهــده ورا نهــــــده === يا قبح مــــــــــا ينفعك التجميل

والحرب ذي طال فـي صعده === لمسح أفكـــــــــــــــار أو تعديل

ما نال مـــــن خاضها قصده === مــــن يـــــوم غشوه بالتهـويل

الحرب للفكر فـــــــــي مهده === تخصيـب للفكــــــــــر أو تفعيل

وللمفكر ومـــــــــــــــن بعده === ميدان تدريـــــــــــب أو تـأهيل

مــــــــن كــان يفهم فيا سعده === ومن عمـي عاش في التضليل

مسكين ذا الشعب كــم جهده === يحملـــــــوه البـــــــــلا تحميل

يــــا الله يــــــا الله بالنــجده === يــــا رب عجـل بهــــــا تعجيل
————–